樂易玲指警未聯絡TVB
自崔建邦涉停牌駕駛後,無綫製作資源部總監樂易玲尚未有空召見,昨日她出席慈善步行時表示忙為公司埋數,只知道他請假一個月來處理最近發生的事。問到公司可會再給他機會?樂易玲說:「要了解咗先,佢咁大個人發生咗咁多事,應該知道點做。(警方有冇聯絡無綫?)冇!(佢不自愛?)呢啲係佢私人事,喺工作上佢係OK,但形象係有影響。(如果真係會解約?)『如果』唔答得,要等進一步情況。」好友之一的林國斌在電話中只表示不方便講太多:「人哋嘅嘢唔好再問我!」說罷便隨即收線。
此外,原本崔建邦夥拍曾志偉擔任《十大勁歌》總選司儀,但因他無限期「請假」,監製麥鎮東證實由王祖藍頂替。