林欣彤羅力威合照撻Q
無綫「巨聲2幫」的林欣彤（Mag）與亞視「星光家族」第一屆冠軍羅力威，昨晨隨公司出席慈善步行活動時，期間雖然遇上，可惜沒有機會作近距離接觸，現場各有支持者，不過因素顏上陣，未見有太多人認出Mag，相反羅力威的瘋狂師奶粉絲卻為偶像吶喊。
活動後，Mag和羅力威在茶敍上再度碰頭，當記者要求合照時，無綫工作人員卻出言拒絕，站了出來等候的羅力威火羅爆，只好「傻更更」返埋位。事後羅力威說：「電視就見得多，真人都係第一次見，有睇過林欣彤唱歌，佢唱得好有勁，人如其名，巨肺咁。（想唔想合作？）聽聞有活動搵我哋同台合唱，但最後冇消息，都好可惜。（你好多師奶粉絲？）多少唔重要，正如陳奕迅話過自己都冇歌迷會，歌手重要嘅係做好本分。」
素顏的林欣彤（右二）與「巨聲幫」出席步行活動，站在其背後的是緋聞男友羅孝勇。
羅力威呆等林欣彤合照不果，場面尷尬。
鍾舒漫（左）和林欣彤前晚在《慈善星輝仁濟夜》同台獻唱。