蘇永康昨日舉行記者會宣布加盟華星唱片，老闆之一的任賢齊現身撐場，康仔自爆公司要求他一年內賺取一筆錢，但他三個半月已賺到一半，被指可登富豪榜，但他說：「許志安先係『許首富』！（你係富二代？）都好喎！」至於小齊得悉康仔讚他是永遠的一哥後笑說：「我係二爺先啱，畀康仔包養，因為佢要賺錢養公司！」康仔除獲唱片公司送上一支1985年紅酒外，更宣布11月假紅館開騷。
