陳康、DJ阮小儀、朱薰聯同歌手小肥等排練舞台劇，小儀瘦了一圈，連面上的Baby Fat都消失：「可能係感冒啦！有愛情滋潤，不過瘦咗。（同對手陳康Kiss咗未？）有，不過唔正。（有冇戲假情真？）一定有！」而聲音沙啞的朱薰說：「之前叱咤頒獎禮已經打咗類固醇針，依家都要食類固醇，擔心過畀小肥，交叉感染。」與朱薰有濕吻場面的小肥則表示在對方老公面前Kiss會尷尬。
