汪詩詩赴美送別外公
甄子丹太太汪詩詩的外公於本月5日因大腸癌病逝，可惜子丹因趕戲而未能赴美出席喪禮，昨日詩詩受訪時表示心情已平復：「公公已經好Lucky，因為大家都趕得切返去見佢最後一面。婆婆之前病咗3日，見唔到公公，後來婆婆一出院，即刻返去同公公講叫佢安心，點知嗰晚公公就走咗，我相信佢一直撐住都係想見到婆婆最後一面。」她將於13日赴美出席喪禮：「我喺公公銀包見到好多相，最多係我媽咪，因為咁多個仔女裏面，公公最錫就係媽咪，佢都好錫我，記事本裏面寫低咗我個香港電話號碼。」為免婆婆在美國睹物思人，她打算接婆婆返港同住，方便照顧。
汪詩詩將赴美送外公最後一程，丈夫甄子丹因工作未能同行。（資料圖片）