祖藍皺晒眉為好友祈禱
剛返港的王祖藍昨日到電台宣傳兒歌碟，對於好友崔建邦（Amigo）被指涉嫌停牌駕駛，他即緊張地問：「係幾時嘅事？係咪真o架？會打畀佢了解。」問到會否相信好友？他皺一皺眉兼答非所問：「點都係好難，唔容易，希望佢過得好好，祝佢平安無事。」他指Amigo自上次官非後已變乖，讚對方心地好，新年傳福音時會為對方祈禱。
至於曾因醉駕被罰停牌的謝天華力撐Amigo：「我嗰陣未改例，唔使上咩改進駕駛課程，我諗佢唔會咁大膽，係咪上嗰啲課程先揸車？」對於崔建邦再捲入是非，網友均感失望，直斥他不自愛，認為若屬實的話等於漠視法紀，警方應介入調查，更有網友指他「冇得救」。
祖藍得知好友崔建邦出事即方寸大亂，緊張到答非所問。