無綫花旦唐詩詠昨日返電視城為新劇《紫禁驚雷》開工，適逢舊愛崔建邦（Amigo）被爆涉嫌停牌期間駕駛，事後更玩「人間蒸發」，匿埋避世。問到有何感想時，她對接連出事的Amigo徹底失望，表明不欲再回應有關Amigo的一切：「我冇嘢回應，亦唔想回應。（擔心佢坐監？）就算係擔心，都冇嘢回應。（唔想再回應關於Amigo嘅嘢？）希望以後關於佢嘅嘢，唔好再嚟問我，要問就去問番佢本人。」
唐詩詠表明以後拒回應有關崔建邦的任何事，看來她已徹底死心。
