林熹瞳拒與o靚模爭飯食

今年首次行性感成功轉型的「怪談女」林熹瞳，坦言露肉是市場需要，但未有打算出年曆與o靚模爭地頭！她渴望轉型後獲導演賞識，與吳鎮宇等影帝級人馬合作拍戲！

單身的「怪談女」林熹瞳（Rachel）今年情人節不愁寂寞，決意與工作為伴，她坦言以前過得不滿足：「可能太鍾意情人節，覺得應該係好浪漫、好Warm，以前男友只係帶我食Buffet同行街，太普通啦！」Rachel早前推出性感寫真成功轉型，帶挈她接到不少靈異節目主持以外的工作：「除咗喊同嗌樣，起碼人哋記得我正常嘅樣。有次出商場活動，有宅男嗌：『Rachel，你着白色泳衣好靚啊！』有Fans記得我係Rachel係好事！」為突破行性感，Rachel透露是市場需要，但決不會走o靚模路線：「我咁嘅年紀仲做o靚模？我唔太抗拒o靚模，都係一個職業。（出年曆？）咁就太過Over、太o靚模化啦！」

恨與鎮宇青雲合作

雖然以主持靈異節目見稱，但其實讀演藝的Rachel最愛演戲，希望轉型後可得到導演賞識，她自信十足地說：「任何角色導演搵唔到人演，就搵我啦！之前我做特約，有『消防隊』嘅花名，隨時On Call！（想同邊個合作？）吳鎮宇、黃秋生、劉青雲，任何老戲骨。」