C AllStar奪生力軍金獎成風頭躉
憑《天梯》一曲成名的男子組合C AllStar，早前在叱咤頒獎禮上揮低糖兄妹和林奕匡等，奪得生力軍金獎，贏得熱烈掌聲。問到會否倍添壓力？四子說：「壓力都係推動力，係一種鼓勵！」談到獲生力軍金獎，他們難掩興奮地說：「想大家繼續認識我哋音樂，欣賞我哋專輯，嗰晚行條斜路上頒獎台，即時重現好多難忘畫面。（繼續炮製類似《天梯》嘅歌？）總之唱我哋喜歡嘅歌、嘗試唔同類型嘅音樂，唔想有太多局限。」
成員何建曦和陳健安仍是學生，問到會否成為風頭躉？安仔說：「多咗同學留意我同關心我，佢哋會問上電視或者上台感覺係點！（吐氣揚眉？）呢個獎代表我哋嘅付出、體諒同努力！」
C AllStar視奪得生力軍金獎為推動力，望在樂壇有一番作為。