柑桔單飛跳出天地
曾以「美味天使」牌頭組樂隊的陳蕊蕊（柑桔），樂隊最後解散，柑桔遂獨自繼續堅持歌手夢，獲由台灣返港大展拳腳開經理人公司的漢洋睇中，有信心打造她成為「女版郭富城」。
柑桔日前拍攝新歌《Make Up Baby》MV，當中有七個不同造型，她表示捱了兩晚通宵才拍完，雖有十年舞蹈根底，但又唱又跳還要兼顧靚樣，她坦言有難度：「以前做Dancer只顧跳舞，依家要唱埋歌，要練抖氣位，背熟歌詞唔靠『咪』嘴，又要兼顧個樣要對鏡頭，其實幾有難度，所以我成日喺屋企對住塊鏡練。」她又表示以容祖兒為目標：「目前女歌手可以全面兼顧只有容祖兒，我睇佢好多MV學習，我都希望塑造到勁舞歌手嘅形象。」
柑桔笑言要兼顧又唱又跳有難度。
脫離天使形象，柑桔目標想做勁舞歌手。