曾被拍得結伴睇戲的洪卓立（Ken）與湯怡（Kathy），戀情逐漸浮面，ontv追蹤部隊當然不放過機會求證雙K戀真偽。日前，Ken與Kathy便趁住假期到奧海城瘋狂血拚，兩口子穿上灰黑色情侶裝，心有靈犀。由於商場內人來人往，雙K行街時顯得避忌，起初各有各行。
走入時裝店後，Kathy為北上拍劇而買定厚衣保暖，Ken則耐心陪女友選厚褸，期間替對方挽手袋，又幫她穿上大褸，相當體貼，最後Kathy睇中幾件厚褸，Ken即碌卡埋單送贈，認真識做！
洪卓立與湯怡拍拖購物，戀情浮面。
