名模姚予晴（Mikki）及Ana R.擔任《Fashion Visionaries時裝．視野》活動模特兒。剛與男友到布吉過新年的Mikki甜蜜地說：「我哋倒數一刻一齊放孔明燈，都幾浪漫！」早前她透露計劃今年結婚，但男友並未於今次旅行中求婚，她說：「呢啲嘢好難講，將來嘅事冇人知，隨緣！」
問到熊黛林（Lynn）有郭富城家中鎖匙時，她說：「佢哋都好多年啦！都應該！（城城一直唔承認？）可能到一個年紀就會想有個安定嘅環境，有個人做支柱喺背後支持自己！」
姚予晴（右）攬實Ana R.合照，十分老友。
