古仔「轉行」揸一日貨櫃車
古天樂早前接拍由趙崇基執導、黃奕及莫文蔚等演出的文藝片《一路有你》，飾演中港貨櫃車司機的古仔透露，為了揣摩角色，與劇組人員專程跟真正貨櫃車司機工作一天，更笑言學多了一門手藝：「我都要學揸貨櫃車，仲要跟佢哋車成日，唔講唔知，原來佢哋有五分之四嘅時間都喺車入面過！（趣事？）有！就係佢哋對講機有自己Channel，我聽極都唔明佢哋講乜，好多術語！」
近年電影接個不停的古仔，成為票房保證，當中以商業片居多，難怪他表示是次拍攝較文藝的《一》片過足戲癮：「呢類片較有空間同自由度發揮，不過愈嚟愈少人拍文藝片，始終巿場所限！」此外，古仔與吳君如在新片《神奇俠侶》中飾演退隱江湖的俠侶，但衣着方面卻潮到極點，《神》片更專誠邀請著名美指奚仲文打造一系列服裝。
古仔慨嘆本港的文藝片巿場愈來愈窄。
君如與古仔的潮Look夠新穎，未知會否帶動新潮流？
嘩！古仔玩跌膊，問你死未？