蒙嘉慧被踩衰老有着數
藝人蒙嘉慧（YoYo）、胡定欣及張燊悅昨日出席護膚品牌活動。YoYo於《誘情轉駁》中飾演反派，她表示收到很多朋友的評語：「佢哋話我演得好恐怖、好狠。（男友鄭伊健有冇睇？）佢得閒睇吓！尋日打嚟話有睇，讚做得幾好。」她指得到別人的肯定，辛苦也值得。她說：「依家世界變咗，即使演反派都好多人鍾意。好似有記者話我提早衰老，跟住就有好多公司打嚟，邀請我試用好多唔同Product，所以有少少缺陷都幾好。（唔打Botox？）都係天然好啲！」同場的張燊悅說：「活動之後，要返屋企包雲吞畀小朋友食。」
