Eason Kay避忌扭擰合照

陳奕迅（Eason）及謝安琪（Kay）前晚出席電影首映時頗為避忌，擾攘良久才肯合照，Kay更寧願黐着人形公仔！

電影《戀人絮語》前晚在尖沙咀舉行首映，首次執導的曾國祥及尹志文、主角陳奕迅、謝安琪及曾志偉等出席。Eason身穿夾棉外套加灰衫灰褲，被嘲似足睡衣，他說：「咩呀！名牌嚟o架！兩萬幾蚊o架！」

曾傳緋聞的Eason與Kay經常「向左走向右走」，問到Eason是否避忌？他即指大家「諗多咗」，並向附近的Kay說：「你避我咩？」在傳媒多番要求下，兩人至活動尾聲才肯合照。Eason表示戲中主要跟林嘉欣及范曉萱合作，更與嘉欣有一場Sweet的「床上戲」，但被導演刪剪。對於嘉欣缺席，Eason大表體諒，自言會出多分力宣傳：「我做埋佢嗰份囉！但就算佢喺度，都係我搶晒嘢講o架啦！外國空氣好，小朋友都開心啲，做媽咪好偉大o架！」

黐住「A貨彭于晏」

至於Kay雖抗拒與Eason合照，但與扮演「A貨彭于晏」的人形公仔翹手合照，她說：「好掛住佢！佢好正直，因為成日企得好直，而且目不斜視。」但志偉上台時卻整甩「A貨彭于晏」的膊頭，他即急忙扶番正！此外，已為人母的林嘉欣事先錄製聲帶講感受：「唔好意思，見證唔到呢個電影BB出世，好懷念拍戲嘅日子，恭喜兩位導演，遲啲香港見。」

此外，熱愛網球的Eason昨日擔任《香港網球精英賽2011》的開幕嘉賓，率領世界「一姐」丹麥美少女禾絲妮雅琪率領的歐洲隊進場，受歡迎程度不亞於禾絲妮雅琪。而腹大便便的Rosanne亦與老公睇波。