吳卓羲撞車鍾嘉欣冒雨尋人
吳卓羲(Ron)、鍾嘉欣(Linda)和賈曉晨(JJ)昨日分別拍攝《抉宅男女》外景,Ron親自拍攝高速剷上行人路的場面,不過由於公司早已安排替身,故撞車一幕交由替身拍攝,Ron透露曾跟錢嘉樂學飄移。談到佘詩曼有意北上外闖,又叫無綫加人工,Ron說:「邊個員工唔想加人工?拍內地劇一定好搵,酬勞差唔多係香港嘅兩、三倍,其實係非常吸引,不過我仲有幾年先約滿,到時先再諗係咪出去闖!」
另外,Linda及JJ拍攝淋雨戲,劇情講述二人冒雨尋找Ron,Linda醒目地穿着四層衫,正式拍攝時則會穿上雨褸、黐上膠紙防入水,至於JJ則表示甚麼裝備都沒有,本來打算煲薑茶,但因趕出門來不及煲。
Ron拍攝撞車場面,不用埋位時不時打呵欠。
Linda(右)穿着四層衫拍攝淋雨戲,相反JJ卻沒有打底。