江若琳北上獵仔講緣分
江若琳（Elanne）昨日在北京為首張國語碟舉行發布會，吸引逾百傳媒採訪，並透過兩個內地人氣網站全程直播。身穿窩釘露腰舞衣的她，甫出場即與舞蹈員邊跳邊唱主打歌《唯有愛》，期間做出凌空一字馬等多個高難度動作，再換上吊帶裙獻唱兩首情歌。事後，Elanne表示每年1月均對她意義重大，她說：「上年1月15號開咗自己第一次個人演唱會，實現咗願望，今日又可以實現埋出國語碟嘅夢想，真係好開心！」
席上，唱片公司送上一張巨型機票，寓意Elanne飛越國際、再創高峰，而Elanne則即時許下承諾，答應公司更畀心機唱歌，不讓支持她的人失望。問到有否打算在北京物色男友，她笑說：「如果真係搵到個啱嘅人都會嘅，但依家對我嚟講，事業先係最重要，拍唔拍拖隨緣啦！始終依家先係我拓展新市場嘅開始，想專心事業先！」
露出小蠻腰的江若琳，以勁歌熱舞為北京記者會響頭炮，氣勢十足！
身手了得的江若琳，輕易做出凌空一字馬，贏盡掌聲！
為了以最Fit狀態示人，江若琳出場前狂做運動。
江若琳在北京舉行發布會，大受歡迎。