朴申陽當宋承憲新劇冇到
韓星宋承憲昨日偕金泰希出席將於明晚首播的新劇《My Princess》記者會，席間，宋承憲笑說：「好多人覺得金泰希係連洗手間都唔會去嘅靚女，但今次拍劇終於可以揭開佢神秘嘅一面！」對於分別夥拍兩大型男李炳憲及宋承憲，金泰希說：「以角色嚟講，李炳憲由開始已經好吸引；宋承憲就好似朋友咁！」對於MBC電視台近年劇集低收，宋承憲坦言感壓力。
至於打對台、由朴申陽與金亞中合演的SBS電視台新劇《SIGN》，昨日幾乎同時間舉行記者會，被問到與《My Princess》競爭時，朴申陽誇口說：「係咩嚟？我只係埋首拍劇，覺得要同捱冷及瞓覺鬥爭，冇理其他嘢。」