祥仔搵老襯氹吳卓羲食佘

吳卓羲（Ron）與曾傳緋聞的佘詩曼及徐子珊合作新劇，雖然他與阿佘的對手戲不多，但男主角黎耀祥笑言搞緋聞要交給Ron，因他最「拿手」，Ron聞言即高呼：「咪搵我笨！」

吳卓羲與黎耀祥等昨日為《法證先鋒Ⅲ》試造型，女主角佘詩曼因事缺席，首次與阿佘合作的祥仔說：「好期待，同阿佘同劇嘅機會都唔多。（怕唔怕傳緋聞？）交畀吳卓羲啦！我呢啲冇乜經驗，佢拿手啲！」其實之前曾傳Ron獲阿佘送錶而鬧緋聞，談到此事時，Ron強調手錶是自己買，而他昨日與另一緋聞女友徐子珊合照時，亦表現親密，Ron亦預計會跟子珊傳緋聞，但會當作宣傳。

對於祥仔將搞緋聞「重任」交給他，Ron說：「唔好搵我笨！不過佢有老婆係絕緣體，唔會有咩事，交畀蕭正楠同陳茵媺啦！」而子珊與Ron亦同一口徑，預計會傳緋聞，更會被傳與阿佘不和：「有得揀梗係唔好傳啦！」

唔介意新年扮死

此外，同場穿低胸婚紗的苟芸慧扮中槍身亡時不經意拋胸，被取笑要「犧牲」，她說：「冇，好平常，死得靚都幾考工夫。（唔介意新年扮死？）唔介意！我拍緊《紫禁驚雷》都要死，一個月死兩次都幾特別，唔係個個有機會，應該珍惜呢個經驗。」