為籌備個唱激瘦周慧敏晚晚「腸」住食

周慧敏（Vivian）為紀念入行25周年，將於3月19至20日假紅館舉行《DEEP V.25周慧敏演唱會》。昨日她以公主Look貴氣登場，除頭戴粉紅小皇冠，又穿上春季ESCADA刺繡藍白間晚裝裙，佩戴二千五百萬港元的鑽飾。雖已年屆43歲，但仍然嬌俏，會上有歌迷送上她歷年推出過的50多張唱片作賀禮。

Vivian表示已積極為演唱會做運動收身，加上性格緊張致廢寢忘餐，一個月減了4磅，老公倪震為表支持，晚晚逼她食腸「補身」，她說：「整腸仔畀我食，又整好多，要進補，怕我冇肉落肚。」不過老公又怕她「食到厭」，故間中會煮餃子。她又晒幸福謂平日也是「無飯主婦」，現忙籌備個唱更如得了「免死金牌」，可「升呢」做公主不用做家務。

問她可擔心惹來老公要靠她賺錢的閒言？Vivian指老公怕她辛苦，曾埋怨不應開演唱會，又說如要賺錢，首選是接又輕鬆又酬勞多的廣告，她肉痛地說：「因為呢個演唱會，我推咗好多個廣告。（損失幾多？）唔想計。」