高海寧放「峰」搲撈辣慶呂慧儀

高海寧昨晚化身「高『峰』寧」，以超低胸晚裝亮相演藝人頒獎禮，「胸」贏呂慧儀等性感花旦，吸引導演與監製目光，成為全場焦點！

昨晚天氣雖然寒冷，但不少女星包括高海寧、陳法拉、呂慧儀、陳嘉桓、黃婉曼與徐子珊等抵冷貪瀟湘，紛紛以性感打扮亮相《演藝人2010傑出表現獎頒獎典禮》，當中以波濤「胸」湧的高海寧最為搶鏡，身穿杏色低胸短裙下「咪咪」險破衫而出，搶盡風頭！呂慧儀與陳法拉等也甘拜下「峰」，輸得心服口服。

高海寧受訪時表示，前日收到通知主題是婚嫁，故要臨急揀戰衣：「臨時喺衣櫃摷衫，呢條裙之前着過。（太性感？）少少啦！媽咪驚我凍親，但都OK，喺室內舉行。（擔心走光？）OK啦！因為坐喺度。」由於現場有不少演藝界人士，包括監製與導演等，高海寧以一身超性感打扮上陣，成為全場焦點，隨時工作滾滾來！

陳法拉戥人高興

身穿深紫色晚裝裙的呂慧儀同樣露出「事業線」，但論「深度」仍不敵高海寧，輸「峰」度慘敗而回，她受訪帶笑暗寸對方：「佢King Size！我一定輸，我只係『蟹Size』，加上患感冒怕『咪咪』冷親，唔可以露得太多！我又冇咁多禦寒衫，佢（高海寧）都OK嘅，佢係妹妹，好大發展空間。（「空」定「胸」先？）下次我都Push高兩吋，我都好有彈性！」

陳法拉則以墨綠色低胸裙示人，「事業線」毫不起眼，談到身材輸給高海寧，她笑說：「唔緊要，大家係同門姊妹，佢靚我都開心，我都想好似佢咁好身材！」問到是否夠膽超性感，她說：「睇情況，適合電影都OK。（下次再夾多啲出嚟？）唔需要啦！」