Rosanne自爆佗慈姑椗
昨日2R打扮性感到鬧巿出席代言的美容中心活動，場面一度混亂，大肚的黃婉君（Rosanne）表示一身打扮早已讓老公過目：「佢淨係叫我食飽啲同貼暖包。（坐人力車？）未坐過都驚，唔知咩感覺。」問到為何不留在家做少奶奶，她說：「想畀人睇到現代女性嘅一面，懷孕都可以好放鬆。（酬勞吸引？）有7位數字都吸引o架！同埋產後可以免費收身！」預產期為明年六月的Rosanne表示已照超聲波：「係男仔，希望自然分娩。媽咪開心到喊，老公都開心，話可以教佢踢波。（追多個女？）打算生多兩個，想佢哋一齊返學。」
