Evelyn詐男友型發最後通牒
o靚模蔡穎恩(Evelyn)早前搞生日會,直言希望身邊人有空為她慶祝,似乎是向緋聞男友Tom有所暗示。
同於本月生日的「新邦民女」陳嘉寶(Anjaylia)與蔡穎恩,早前與近50名Fans搞生日會,當日好友何思諺(Leanne)亦有出席,但Evelyn的緋聞男友Tom則未見蹤影。問到兩位壽星女的生日願望,Evelyn搶着說:「希望身邊啲人得閒啲同我慶祝。」似乎向最近忙着四圍飛的男友Tom詐型,正等待對方約會。Anjaylia則認真地表示希望世界和平:「雖然個願望好老土,但最近的確發生唔少戰爭,希望大家唔好再用武力解決問題。」
陳嘉寶奸計得逞
生日會期間,Leanne充當司儀與Fans玩遊戲,在「估領袖」環節中,Anjaylia七情上面扮唔識玩,一味全神貫注望着同一個人,結果成功誤導大家估錯領袖,她奸計得逞即得戚地笑說:「哈哈!我演技都唔錯啩?」相反中計的Evelyn則一臉無奈,場面搞笑。
同為十二月壽星女的陳嘉寶(右)與蔡穎恩,約埋Fans一齊慶祝。
陳嘉寶及蔡穎恩與粉絲玩得相當投入。