兔女郎周秀娜谷師妹上位
周秀娜（Chrissie）早前表明會推出噴血月曆力保界女神地位，可惜一直只聞樓梯響，原來她早已秘密聯同師妹到內地拍攝。今年Chrissie大玩充滿話題性的「成人童話」，與師妹A. Lin、「新八模」成員Jeana、OctoBeez成員Hidy、Hazel及Rika，穿性感喱士內衣谷胸晒身材。雖然Chrissie化身性感兔女郎，穿上黑色喱士內衣拿着紅蘿蔔擺誘人甫士，但封面的正中央位置竟被OctoBeez成員Rika搶走，身為公司一姐的她頓時淪為大配角！
另一方面，Chrissie與羅仲謙接受訪問時大談愛情觀，她以飲品來比喻男女對愛情的看法：「女人對愛情好似飲酒，相處耐咗，對男人嘅愛愈嚟愈濃，相反男人對愛情就好似飲茶，開始有新鮮感就會對你好，日子耐咗就會慢慢淡！」她又指若男友對愛情不忠，她會選擇放手：「我唔會追求真相，亦唔會親手揭開答案，只會離開！」