狄波拉(拉姑)與老公鬍鬚Kong日前拍拖到中環ifc逛街,當拉姑行到腳仔軟時,即往附近咖啡店坐低歇腳等朋友,期間有途人認出並上前要求合照,她亦有求必應,等齊朋友後,拉姑再往附近選購化妝品。
對於近日有指她與栢芝媽關係破冰,准對方幫忙湊孫,拉姑說:「好正常啫!有咩唔妥呀?一人一個唔得o架咩?」