羅力威揮低陳柏宇贏九條街

陳柏宇（Jason）入行逾三年，但與樂壇新人羅力威同場出席活動時，其歌迷人數僅得後輩的九分之一，但抱恙的Jason堅持唱Live，總算挽回同情分。

昨日陳柏宇與「亞洲星光大道」冠軍羅力威出席商場活動，現場Jason的歌迷僅10多人，但羅力威則有逾90位，其粉絲更高舉大型海報及燈牌，Jason的氣勢輸足九條街！可是患感冒兼喉嚨痛的他堅持唱Live，專業精神可嘉，他說：「我從來唔夾口形唱歌o架！」

對於聲勢不敵羅力威，Jason不覺尷尬，還大讚對方：「佢好勁，第一次見佢，佢啲Fans都係咁多。（被搶風頭喎？）冇乜所謂啦！」Jason更主動與羅力威打招呼，又向傳媒說：「佢真係唱得好好。」

打入叱咤五強當攞獎

未知是否「未瞓醒」，羅力威有點Hea又不時抹眼屎，對於有大批Fans支持，他竟語塞，其助手即代答只是假期關係。至於成為叱咤「我最喜愛的男歌手」五強，羅力威說：「開心，可以同前輩（古巨基、陳奕迅、張敬軒及方大同）一齊，我覺得入咗十強已經當攞咗獎，冇諗過攞第一。」並透露因為是第一次出席大型頒獎禮，故會盛裝赴會，不會再穿贊助衣服。