傳四大無綫破冰撻Q 陳志雲：各有堅持慢慢傾
無綫總經理陳志雲前晚出席小提琴家姚珏的慈善音樂會，他表示以生命熱線大使身份到場支持活動。對於四大唱片跟無綫的破冰撻Q，陳志雲說：「大家磋商有進展，不過結果就未知，基礎係好嘅，有傾有講，但雙方都有自己嘅堅持，要再慢慢傾。（唔想放歌手亮相其他電視台？）係兩件事，關於音樂版稅就點都要畀，但詳情仲要再傾，唔需要再白熱化呢件事，上唔上其他節目係另一方面問題。」
此外，身為四大唱片歌手的周子揚及連詩雅，昨日出席另一活動時表示，不清楚「撻Q」一事。周子揚坦言希望亮相無綫節目，連詩雅則說：「我唔係好明點解歌手只可以上一間電視台，音樂係應該所有人都享受到，唔應該有限制！」
陳志雲透露版稅風波問題要慢慢傾，但目前磋商已有進展。
周子揚及連詩雅對四大與無綫破冰撻Q一事，毫不知情，但仍希望亮相無綫節目。