有「港版林志玲」之稱的林莉，趁聖誕節為家人炮製驚喜，在平安夜獨自烹調逾十磅的火雞，雖然家人讚不絕口，但她自爆炮製大餐時險釀火災：「焗蛋糕時我瞓着咗，瞓瞓吓聞到好大陣燶味，衝入廚房見到個爐出晒煙，爭啲火燭！不過第一次整火雞就咁成功，好開心，嗰刻滿足係用錢買唔到，一家人傾偈食飯好溫馨！」
承認有追求者的她表示，有幾位男士曾邀她出席聖誕派對：「我都想聖誕節浪漫吓，不過要同喜歡嘅人先得，寧缺勿濫！加上我唔想對方誤會我有意思，所以一視同仁統統都唔去，攬住媽咪仲浪漫！」
林莉自爆有追求者，但不是她心中的白馬王子。
