何韻詩Encore罰到荷包「乾塘」
何韻詩前晚舉行尾場個唱，陳奐仁任嘉賓，場館播出完場廣播後，Fans仍不願離開，喪叫安歌10分鐘，最後阿詩亦心軟重踏台板，唱至12時才完場，她說：「仲以為今晚唔使罰，依家罰到荷包空蕩蕩！（超時15分鐘罰幾錢？）5位數字！」問到是否刻意在平安夜邀請好友容祖兒現身個唱倒數迎聖誕？她即搬出好友劉浩龍擋駕：「咁你唔問劉浩龍？都係叫朋友嚟！」此外，對於TVB與四大唱片公司破冰撻Q，她說：「對我冇影響，入行咁多年對獎項猶如浮雲！之前去台灣同內地咁多電視台宣傳，都唔明香港嘅傳統！（壟斷出現好耐？）有競爭先有進步。」
阿詩攬攬陳奐仁，答謝對方擔任嘉賓。
何媽媽在台下勁舞力撐愛女。
阿詩抱着契女在台上獻唱。