Kay張繼聰送家庭溫暖
張敬軒自爆情緒出現問題，引起不少圈中人關注！身為軒仔表舅母的謝安琪（Kay）坦言，早前已得悉對方情緒低落，並曾送上慰問：「之前都知佢情緒有病，有慰問過佢！不過我最近比較忙，所以冇搵佢，知佢成日陪住隻狗，雖然隻狗有病，不過希望軒仔喺聖誕可以平靜啲，始終係個普天同慶嘅日子！」至於軒仔的表舅父張繼聰則表示會致電問候：「我會打電話問佢乜事！身為佢嘅屋企人，全家人都好支持佢，會畀好多家庭溫暖佢！」
軒仔於平安夜為鄺美雲（Cally）生日會獻唱，Cally表示當晚不覺軒仔有異樣，不知他情緒有問題：「可能同成班人一齊冇事，一個人喺屋企有負面情緒啦？我返香港會安慰佢！」而軒仔的密友關智斌（Kenny）及王菀之（Ivana），相信亦會陪他渡過難關。另外，曾患抑鬱的張家輝及惠英紅，齊齊建議軒仔及早求醫，家輝更說：「狂使錢會唔會開心啲？」提議軒仔借購物解心鎖。
Kay與張繼聰送上家庭溫暖，希望軒仔感受愛。 （資料圖片）
軒仔Down爆曾拒接電話，相信Ivana都會諒解。 （資料圖片）
軒仔（左）與Kenny肝膽相照，相信會送上最多慰問。 （資料圖片）