鄧萃雯傳揚大愛減產行善

冧莊「視后」的鄧萃雯趁聖誕節向小朋友傳大愛，其後又走兩場出席《義海豪情》台前幕後慶功宴，十分忙碌。

鄧萃雯冧莊視后，想藉名銜多做善事，日前她到「扶康會」與智障小朋友及精神病康復者整曲奇，她坦言感受到簡單、直接又純真的愛：「佢哋教識我應該直接表達，唔好等亦唔需要太多包裝！」談到新年願望，雯女表示明年會減少拍劇，抽時間做公益。晚上，她又與劇集《義海豪情》台前幕後工作人員慶功，因塞車遲到而大感不好意思。她表示節日能與親友共度最開心：「一家人一齊，令我感受到愛！趁假期會多返教會！（學王祖藍搵另一半？）哈哈！報福音要多啲留意單身男仔！」

祥仔唔強求添丁

昨晚《義》劇慶功宴共設十圍，由「醒哥」黎耀祥與「九姑娘」雯女夾錢款待，祥仔更在代言的超巿掃了不少紅酒，希望眾人盡興，他說：「揸車嘅就唔好飲！（聖誕送咩畀老婆？）錶！（老婆有好消息未？）冇啦，唔強求，老婆係想生，但個仔咁大唔緊要！」李添勝表示不會再開第三集，揚言要開都留給另一位監製，而他目前正籌備另一部新劇，對於《義》劇編審張華標傳返無綫一事，他表示不知情。

另外，昨日黎耀祥與太太到迪士尼樂園與基層單親家庭預祝聖誕，祥仔說：「聖誕要開工，平安夜同屋企人食飯慶祝！」