圈中人撐阿敬唔暴躁
有傳吳國敬因在家中練歌而跟鄰居發生爭執,有人用刀揮舞,事件引起圈中人關注。
吳雨霏
香港地方太細,自己做音樂,明白夜晚做音樂效果好啲,呢件事應該係誤會,佢唔係暴躁嘅,只不過係藝人先搞到咁大件事。
呂 方
吓!小李飛刀呀?佢可能發緊夢,係咪誇大咗?(藝人犯錯被放大?)係,要小心啲,有時作曲半夜有靈感都好難怪。
泳 兒
做騷見過佢,唔覺躁底,好正常,自己試過夜晚12點練歌嘈親人,保安打嚟叫細聲啲,自己會反省。
周柏豪
好愕然,我唔識佢,只係喺《亞洲星光大道》見過面,自己成日喺屋企練歌,明白好嘈,想透過報紙同鄰居講唔好意思。