早前苟芸慧出席聖誕活動時透露，正跟港男許家傑學跳拉丁舞，希望改善身體語言。忙於拍攝劇集《紫禁驚雷》的她，大呻表現未如理想：「可能因為我畀咗好大壓力自己，所以總覺得表現得唔好，我仲特登搵咗個老師教我廣東話！」但她仍專誠向劇組請了四天假，將自己「送」給父母：「今個聖誕我會返多倫多，想畀個Surprise（驚喜）佢哋，全世界都知，係得佢哋唔知咋！」她又透露行程緊密，搭機時間已佔了兩天，但能成功請假已相當感恩。
「大唔透」的苟芸慧甫見到公仔即愛不釋手！
