林司敏爆杜汶澤笑料百出
在北京長大的林司敏（Ciwi），自言對聖誕節有點陌生：「北京唔會好似香港咁慶祝，嚟到香港之後又讀佛教學校，禁聖誕節，嗰陣送聖誕卡都要攝喺書度，畀老師見到嘅話會沒收！」年僅19歲的她雖然單身，卻不愁寂寞：「我班Friend咁啱都有一顆寂寞的心，冇拖拍，一班人過聖誕都可以好開心！其實……吃不到的葡萄是酸的！」剛拍竣《最強囍事》的Ciwi，首次接拍喜劇已能與巨星古天樂及張栢芝等演對手戲，她透露演員在片場打成一片：「杜汶澤最搞笑，佢唔使特登做啲嘢出嚟，淨係一啲好生活化嘅嘢已經好搞笑！」此外，忙個不停的她，將接受一連串地獄式學車訓練，希望一Take過考取車牌！
Ciwi大讚杜汶澤幽默感十足，經常在片場放笑彈。
單身的Ciwi透露將與大班好友共度聖誕。