唐詩詠黃浩然飛躍唔加價

唐詩詠及黃浩然今年勇奪「飛躍進步男、女藝員」，將為人父的黃浩然坦言滿意現狀，不會刻意加價賺奶粉錢；詩詠則認為得獎是一種肯定，只會耐心等待別人主動加價！

由大銀幕走進公仔箱的黃浩然，謙虛地表示今次得獎純屬「好彩」：「咁啱我拍嘅劇集口碑好、多人睇，得獎其實都唔算係演技上嘅肯定！」他直言短期內不會接拍電影：「雖然我係拍電影入行，但真正為人熟悉嘅係電視劇，所以我都想打好基礎先！」詩詠則認為獲獎是一種衝擊，等於在「成績表」上拿了一個「A」：「考得好係應該o架嘛！冇理由因為咁就扭計要獎勵，所以我唔會主動加價！」

視帝視后慢慢嚟

無綫不少當紮小生花旦均曾奪得「飛躍進步獎」，問到會否視「視帝、視后」為終極目標時，浩然卻認為最緊要開心：「我嘅目標係想享受拍攝嘅過程，如果自己都唔Enjoy，觀眾點會接受？」

詩詠則笑言目標是返內地搵真銀：「我拍嘅劇集好少喺內地播，所以我想拍多啲唔同嘅劇種，增加喺內地嘅知名度，搵多啲錢可以買樓畀屋企！」並笑言願望是擁有一層「供完嘅樓」！

感激前輩教做人

此外，詩詠透露將首次接拍清裝劇，並「處女下海」做奸角：「我覺得自己好幸運，公司畀咗好多機會我！」浩然則感謝Ken哥鄭則士教誨：「佢唔止教我做戲，仲教埋我做人！」