李思欣蔡淇俊觸景生情過咀癮

「四葉草」舊拍檔李思欣與蔡淇俊，相約慶祝聖誕及新年，自言勁想拍拖的思欣，見到「咀嘴公仔」即與阿俊作狀錫錫，找好友做「愛的替身」，場面搞笑！

李思欣與蔡淇俊在充滿溫馨氣氛的Bear Bear熊公仔前合照，又大唔透地模仿公仔扮Kiss及互送禮物，非常甜蜜，不過曾合作拍攝《四葉草2》的他們表示，只當對方是兄弟，太老友絕不過電！

新一年將至，他倆均希望工作量增多，其中阿俊表示將有兩劇播出：「希望繼續有多啲劇拍，再提名飛躍獎！」單身的思欣則春心大動，希望來年真命天子會出現，她表示若拍拖不介意公開，因現在的Fans喜歡坦白：「我想同男友大大方方拖手行街，當然唔會做啲太過火嘅嘢啦！」身旁的阿俊即點頭和議：「我都唔想匿埋拍拖！」

難忘醫院倒數

談及過往的難忘倒數經歷，思欣表示10年前踏入千禧一刻，她竟身在急症室：「我成晚都唔舒服又嘔，人哋開心倒數，我就喺醫院，仲要病足幾日！」她還透露上兩次拍拖都是異地戀，故格外珍惜聖誕假期與男友相聚的時間，令她最重視這節日。阿俊則難忘16歲初戀時的純純往事：「當時同班朋友一齊出街，我送咗隻人咁大嘅公仔畀佢，雖然全程由我捧住，但我覺得幾威o牒！（二人世界？）冇呀！成晚都有好多電燈膽。」