Yumiko 揀情趣聖物贈Sa陳

鄭希怡今個聖誕難得有假期，不但孖實化妝師男友赴北京浪漫過節，還相約好友蔡卓妍（阿Sa）開派對慶祝，打算送「情趣用品」給阿Sa與男友陳偉霆！

鄭希怡（Yumiko）上半年因長駐內地拍劇，與男友Andy聚少離多。今個聖誕輪到男友要往北京工作，她一於做跟得女友陪到北京，順道歡度佳節，Yumiko說：「如果有時間都會一齊玩，或者會開派對慶祝！」她坦言會準備禮物送給男友，相信他收到一定甜入心！

適逢好友蔡卓妍（阿Sa）平安夜當晚會到北京，擔任梁詠琪演唱會嘉賓，Yumiko透露會相約阿Sa開派對，自爆準備了「大」禮，她笑說：「我諗咗好耐送咩禮物畀佢，可能會買份情趣用品畀佢同William（陳偉霆）一齊用！哈哈……希望佢哋鍾意啦！（送份畀男友同自己？）唔會喇！都唔識用！」

與粉絲「博」命玩

提到在內地拍劇期間，Yumiko表示結交了不少新朋友，感到開心又充實：「雖然今年好少時間喺香港，但真係學到好多嘢！（好少見香港朋友同歌迷？）其實都係o架！因為我每日都上微博同朋友、歌迷溝通，佢哋都知道晒我嘅最新動向，好似每日都同佢哋見面咁！」