王喜與鍾嘉欣因合演劇集《囧探查過界》結成好友,雖然嘉欣要拍劇未能組成情侶檔齊齊掘金,但阿喜前晚專程返回電視城送上香薰噴機給嘉欣做聖誕禮物。因感冒菌入腸勁嘔的嘉欣,甫見阿喜大感愕然,但收到禮物後即與對方深情擁抱,她說:「我之前失眠諗住買呢部機,估唔到同阿喜心有靈犀,不過佢真係好細心,係我拍檔中最合拍嘅一個!」問她送甚麼給阿喜時,阿喜即搶答:「你送個期畀我,內地有人搵我哋登台!」嘉欣抖擻精神,揚言下月初就有期,笑着要求阿喜跟她「復合」。
鍾嘉欣大讚王喜細心,是最合拍的好拍檔。
王喜送上香薰噴機,嘉欣感動得送抱回禮。