高海寧紅色暴乳胸贏中巴

新一代咪神高海寧昨日以紅色短裙「胸」群而出，成功撼贏 鄺敏慧（中巴）等一眾o靚模。

高海寧昨日穿上紅色低胸短裙出席觀塘東廣場《聖誕Cooking Beauty大比拼》，示範煎心形牛扒，成功搶去同場的中巴、OctoBeez成員Hidy及Rika「峰」頭，她說：「依家有少少凍，聖誕接咗啲Event，服裝有少少性感，我知聖誕節氣溫下降，惟有着住外套，出騷先除！聖誕冇得去玩，搵錢要緊，有啲騷請我示範煮嘢食，我中餐、西餐、甜品同曲奇都識整，遲啲整朱古力請同事食！」

見少年食神冇尷尬

早前被指與少年食神林澄光傳緋聞，問到聖誕節對方有沒有約會她時？高海寧說：「冇！其實雜誌之前寫我單嘢唔係事實，所以同佢唔會覺得尷尬，或者陣間一次過Send啲短訊去祝朋友聖誕快樂！」

另外，中巴以女僕造型示人，她說：「唔開心嘅嘢我冇再去諗，依家做人開朗咗好多！（祝舊愛崔建邦聖誕快樂？）同佢冇再聯絡。我聖誕節要開工，冇得同男友Evan一齊過，但佢明白我係為做嘢，我亦唔擔心佢趁機去陪其他女仔。」