認與崔建邦有聯絡Marina甜笑冧到痹
藝人韓君婷及崔建邦（Amigo）緋聞女友Marina V.出席黃埔新天地舉行的《聖誕歐洲市集》活動。問到有否相約Amigo度佳節？Marina說：「聖誕有工作，會約朋友食晚餐。同Amigo一直有聯絡，但只係朋友關係。」當談及理想對象時，她表示要聰明、有趣，而且能令她開心。記者追問：「Amigo可唔可以令你開心？」她大笑說：「作為朋友，Yes。」她承認工作量因緋聞而增多：「原本喺香港都工作得好好，只不過依家傳媒成日跟住我，問我嘢。（佢係你幸運星？）我得到好運，但係我意料之外嘅！」
另一邊廂，韓君婷表示將於本月29日返新加坡。她透露已在彼邦找到工作：「係一份好穩定嘅文員工作，返朝九晚五，不過淨係得星期日放假。有一種好正常、好奇怪嘅感覺。」問到有沒有追求者？她說：「我去咗一陣，未咁快，我都想有。」
衣着性感的Marina大玩呼拉圈。
韓君婷透露已在新加坡找到一份OL工作。