娜姐氹男友送外賣:飛嚟餵飽我

雖然今日是平安夜,但周秀娜卻要在工作中度過。鑑於她早前盛傳撻着新片拍檔沈志明,故男友Avis放棄吸金機會,人肉外賣到台灣箍實女友,難怪她甜到入心:「佢驚我喺台灣偷食,專登飛嚟餵飽我!」

強攻影壇的「性感女神」周秀娜(Chrissie),在新片《婚前試愛》中與台灣型男、「萬寧哥哥」沈志明有不少激烈床戲,Chrissie更以32D「Big爆」上圍胸壓對方,因而有傳他倆咀出愛火,加上Chrissie於聖誕期間仍需到台灣拍戲,變相令沈志明「近水樓台先得月」,有機會邀約伊人撐枱腳共度佳節!

「係最好嘅聖誕禮物」

據知,Chrissie的髮型師男友Avis聞訊後,即響起警號,放棄於佳節吸金,主動要求陪同女友赴台「箍煲」!對於Avis送「人肉外賣」,Chrissie竟笑說:「佢驚我喺台灣偷食,專登飛嚟餵飽我!」隨即解釋因男友得悉她拍戲時「冇啖好食」,故專程赴台陪她食蚵仔煎,其後更認真地發表愛的宣言:「今年我哋真係聚少離多,以為今個聖誕都係一個人過,好開心佢過嚟陪我!佢喺我身邊已經係最好嘅聖誕禮物!」

首映「真空」大放送

此外,Chrissie前晚出席《婚》片首映禮,鑑於新片以「偷食」為主題,故真空上陣的她笑言偷偷性感,並頻頻餵緋聞男友沈志明食提子:「今晚係聖誕真空大放送!」獲大會送上大量安全套的她,又笑言自己向來「安全」:「如果男友有需要會畀佢!(使唔使數定怕佢偷用?)唔怕!平日都冇袋喺身,依家有咁多,睇吓有冇需要!」至於羅仲謙則拒談一切與傅穎有關的緋聞及是非。完場後,導演葉念琛帶隊偕Chrissie及「新八模」的Betrys打邊爐慶祝,Chrissie更揚言:「如果票房好過《哈利波特》,就捉埋沈志明同羅仲謙喺中環鬧市着比堅尼行騷!」

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

專案組

因拍《婚》片連續四天沒睡的周秀娜,難忘攰到虛脫喊唔出。

「開側門」的周秀娜餵沈志明食嘢,Avis睇到得個「揼」字!

葉念琛(左起)、周秀娜及Betrys齊齊去「滾」,預祝新片大收。

對於男友放棄吸金赴台「箍煲」,周秀娜甜到入心。