陳嘉容發仔寒桃花唔拘

名模陳嘉容日前獨自在尖沙咀K11逛街，看到商場聖誕布置時即玩自拍，她笑言聖誕最希望感情有着落，桃花多多都受得起！

陳嘉容（Eunis）日前獨自到K11 Design Store逛街，她先到illy cafe歎咖啡，再到Watson's Wine Cellar睇紅酒，她在店內左望右望細心挑選，其後拿起酒瓶似看年份，還不停地向店員查詢，可惜最後未能買得心頭好！然後，Eunis到鄰近精品店，甫進店內即歡天喜地搜羅精品，盡顯童心未泯的一面，不到十分鐘已買下一大袋戰利品。當她離開商場時，看到聖誕布置，更拿出手機玩自拍，正當她自拍得忘形時，有Fans認出她並上前要求合照，她亦來者不拒，毫無架子!

想忘形擦餐飽

後來記者上前訪問她，Eunis坦言是為朋友選購聖誕禮物，由中學開始每年都會親手整曲奇送給朋友：「有時都會買禮物，一年一次嘛！（你想要咩聖誕禮物？）乜都好，最想係開開心心食一個大餐，因為做Model要Keep住身形，食嘢要就住就住，所以我希望唔使理肥瘦，又可以連續食幾日就係我最好嘅Gift。」她透露每年聖誕節都要先回家與家人食飯，再與朋友開派對，問到聖誕願望？她說：「身體健康、世界和平同少啲天災；私人方面就希望感情有着落，桃花多唔緊要，因為有愛情滋潤先會靚！（你依家都好靚喎！）有咗更靚！」