梁慧恩爬廖碧兒頭嫁入富林門

廖碧兒與梁慧恩表面上風馬牛不相及，但原來分分鐘做親戚！梁慧恩自爆與廖碧兒新歡林忠豪的堂弟林忠澤拍拖，打算後年結婚！

自傳出搭上闊少林忠豪後，廖碧兒（Bernice）負面消息纏身，昨日她出席新劇《依家有喜》慶冬至活動時，更忍不住與記者「鬥嘴」！談及舊愛陳豪時，Bernice多番迴避：「要講嘅都講晒。（同林生做冬？）我要拍劇，通宵先收工。（陳豪喺你隔籬廠，冇碰面咩？）冇！我成日入咗廠，但我哋都有聯絡嘅。」問到日前為何不即場澄清陳豪並非「金手指」，她突然變臉並拂袖而去。同場的郭晉安表示見Bernice開心開工冇異樣，還透露太太歐倩怡現時懷孕三個月，計劃於五月停工陪伴太太待產，希望能湊成個「好」字。

工作撮合 後年行禮

至於林忠豪與堂弟林忠澤等成立公司「匯能燈光」，原來邀得亞視演員梁慧恩（Viann）掌管環保研究工作，亦因此造就她與林忠澤拍拖！Viann昨日出席亞視新劇宣傳時大方表示已跟男友訂婚：「拍咗半年拖，佢仲幾個月前計劃求婚，喺我生日畀咗驚喜我。（幾時搞婚禮？）應該係2012年春天。」

Viann年前曾因被傳遭吳佩慈橫刀奪愛而成為新聞人物，如今已雨過天青，籌備婚禮的同時更報讀博士課程。問到有否見過Bernice？她說：「喺公司冇見過，私事方面亦唔清楚。」同場的鮑起靜則透露身在英國的愛女扭傷腰部，令她非常心痛。