志雲暗示四大冇歌入圍都有獎
自「四大」與無綫破冰消息曝光後，被指在此事功勞不小的無綫總經理陳志雲首度現身，出席《與龍同行震撼舞台》匯演，並與愛將張繼聰握手及搭膊頭合照，甚為矚目。同場林建明帶同吳綺莉女兒卓林現身，卓林戴上恐龍面具，心情興奮。
當追問有關「四大」與無綫達成和解協議，志雲即否認由他一手策劃：「好多人幫手，唔係咩特別任務。」他承認無綫已支付臨時版稅，最終版稅問題則寄望月內解決，有指歌手可現身任何電視台，他說：「其實依家亮相TVB嘅歌手，唔係個個同我哋有合約，所以根本冇壟斷。（頒獎禮獎項問題點解決？）因為冇上嚟唱過歌，獎項一定冇！不過因為係《勁歌》三十周年，我哋會因應設立一啲獎項，詳情稍後公布。」
志雲（右）與「愛將」張繼聰握手，成為全場焦點。
同場林建明帶同吳綺莉女兒卓林