Baby季刊晒料誓做潮流教主

獲封「香港女神」的Angelababy（楊穎），為進一步鞏固潮模地位，趁年底推出個人潮流季刊，內裏除了大晒她的Fashion外，Baby更自揭從未曝光的私相簿及私物，誓要打造成80後的潮流教主！

今年Baby認真財色兼收，除了與內地當紅小生黃曉明打得火熱之外，被日本傳媒封為「香港女神」的她更硬搶當地樂壇天后安室奈美惠飯碗，代言洗頭水廣告，成為新一代吸金女王！雖然Baby在日本火速竄紅，但由於她今年大多數時間放在電影方面，一時間不用分身於時裝界，為鞏固潮流地位，最近她推出潮流季刊，除了自己充當模特兒，教讀者如何扮靚之外，更公開與偶像張栢芝的合照，實行多方面俘虜粉絲，誓做80後的潮流教主！向來對工作上心的她，今次更給予不少意見，明顯相當重視處女作！

對於推出潮流季刊，Baby的經理人Kim說：「Baby喺日本做模特兒之後，愈嚟愈多粉絲跟『Baby風』，無論衣着、髮型同化妝都跟足佢，可惜Baby工作多多，連瞓覺時間都唔夠，根本冇辦法抽空出席活動同影靚相，加上早前佢喺日本出書反應好好，可惜香港冇得買，所以先有咁嘅計劃！」

「109滿足唔到我」

據知Baby自從接觸愈來愈多時裝品牌後，已經不屑再以「o靚妹」打扮示人，由以前最愛的日本109商場打扮，升呢到行六本木及表參道名店，Baby說：「109已經滿足唔到我，近年接觸多咗大品牌，明白Cutting同質料真係好唔同！以前着高踭鞋半日又攰又痛，依家着啲大品牌高踭鞋就完全冇呢啲問題！（想挑戰姬摩絲？）唔好咁講，佢係我偶像！出書只係想同粉絲分享扮靚心得！」問到曉明會否參與意見？她甜笑說：「唔會啦！工作還工作嘛！」