劉嘉玲挑戰偉仔點裸都得

劉嘉玲於新片《讓子彈飛》一場被摸胸戲成為熱話，她直言若劇情需要，不介意裸露，絕不讓丈夫梁朝偉專美。

劉嘉玲於英皇電影《讓子彈飛》中，有一場被姜文摸胸的戲份，她透露劇本最初已有該段戲，認為是劇情需要，加上電影乃反映現實的一個渠道，故拍攝前沒有告訴枕邊人梁朝偉。對於偉仔於《色，戒》的演出比她大膽得多，嘉玲表示若劇情合理，亦願意裸露演出。

談到拍電影的尺度，嘉玲坦言不喜歡看荷里活電影，因部分未能反映現實：「戴Bra着底褲點做愛？都唔啱，可能要通過電檢或者要三級啦，但就唔係好真。（接唔接受拍裸露戲？）信任導演就唔會怕，總之係跟故事情節去拍，唔會賣弄就得。之前喺《2046》我都有場同張震嘅Love Scene，但最後冇用到。（可惜？）我覺得王家衛有日會拎番出嚟，好似《東邪西毒》咁。」

暗示來年減產

剛榮升代理時裝品牌老闆娘的嘉玲表示，未來日子不想全情投入拍戲：「想有第二啲嘢學，唔可以浪費時間……好似《一代宗師》咁拍幾年。」但又忍不住讚偉仔主演的《一》片是慢工出細貨。對於被指早前現身曾傳緋聞的郭台銘屋苑卻過門不入，她表示純屬誤會：「好多朋友住嗰度，嗰日去探另一個朋友，有時間會去探佢嘅。」