陳靜派對獵仔搵筍盤

單身一族陳靜，一直希望在聖誕派對找到如意郎君，為增加成功機會率，她更廣邀朋友介紹筍盤，非常積極！

向來憧憬在聖誕派對找到靚仔男友的「百果園咪神」陳靜（DaDa），希望今年找到如意郎君，但絕不會玩「閃婚」，以免剛起步的事業前功盡廢！有說平安夜是失身夜，DaDa笑言以往去派對都遵守戒條，絕不亂飲別人奉上的飲品，至於是否在平安夜失身，她哈哈大說笑：「一定唔係，當日唔係節日，所以冇紀念性，唔記得喇！我成日叫朋友介紹筍盤畀我，但擇偶要睇清楚，依家嘅男仔實在太多選擇，唔會珍惜感情。」

近日被指搭上富豪的DaDa，被問到新年願望是否與這類新聞絕緣，她說：「冇所謂！食餐飯都可以上封面，咁都唔錯，可以當宣傳！我同經理人知道發生咩事就得，如果下次我請人食飯都有得寫吓，我無任歡迎o架！」

Iris醫好公主病

至於剛轉到施念慈旗下的「爆E超蓮」鍾永慧（Iris）則表示，最難忘有年聖誕，一位男士送上親手織的頸巾：「16歲喺外國讀Boarding School，聖誕時病到七彩，點知父母突然飛過嚟探我，真係開心到喊！」她還表示工作後不再有「公主病」，因已學懂為人着想。

至於DaDa師妹梁郁霖（Lillian）的聖誕願望，是學琴、拍戲及在模界闖出好成績，自言思想傳統的她，還希望有朝一日成為賢妻！