安志杰感激婷婷「救火」
薛家「妯娌」諸葛梓岐與陳法拉分別與男友打得火熱，圈中另一對熱戀情侶謝婷婷與安志杰（Andy）昨日出席時裝活動，大晒恩愛！Andy激讚婷婷具潮流觸覺，穿甚麼也好看。問到婷婷是否常向Andy撒嬌？她笑說：「女仔喺男友面前會變聲，我自己都係，變到好似細路女咁。」問到是否喜歡？Andy笑言聽到已心軟：「叫我死都得呀！（婷婷試過好惡？）情侶嗌交好正常，鬧完就冇嘢，多數都係我道歉先。」婷婷則指男友很少發脾氣，Andy亦大表同意：「我好少發脾氣，但係發嗰陣反應好大，但婷婷好厲害，佢係我『滅火筒』。」
