傅穎提羅仲謙3分鐘變臉
有指傅穎與羅仲謙秘密拍拖半年，但最近男方被發現在內地另有女友，令傅穎大受打擊！昨日她到旺角宣傳新碟，獲50多名Fans撐場，一臉愁容的她被問到戀情時即說：「出道以嚟啲緋聞都係你哋寫，我唔想講！」問到是否再遇感情騙子？她即時眼濕濕及擰轉身，期間Fans大叫：「我哋相信你！我哋支持你！」3分鐘後，傅穎收起慘樣，四萬咁口繼續Sell碟。
至於羅仲謙前晚則與周秀娜及沈志明到旺角谷戲，他拒絕澄清傳聞，但他表示不會接受劈腿。周秀娜則說：「套戲講偷食，佢宣傳咋？其實我以前舊愛都有第二個，傷足半年。」
滿面愁容的傅穎被問及戀情時，立即眼濕濕及擰轉身。
羅仲謙（左起）、周秀娜及沈志明前晚到旺角宣傳新片。