廖碧兒插爆料黑手有報應

廖碧兒的負面新聞一發不可收拾，對於被指隱瞞陳豪另結有錢新歡，她接連將陳豪由「同事」再「降格」至「人哋」，言談間表示「過去已經過去」，還透露知道誰是放料者，指對方會得到報應。

無綫花旦廖碧兒被指背叛陳豪，另投富商林忠豪的懷抱，更傳二人已火速同居，事件令她形象插水。昨日，她與汪明荃、夏雨及苟芸慧等出席劇集《居家兵團》活動，她神色自若並與陳豪劃清界線，她說：「報道唔係事實，我不嬲都話係朋友、同事。我相信有啲嘢唔係真，亦都唔知人哋有冇講過，過去咗就過去。（「人哋」指陳豪？）係呀！」她承認報道令家人和朋友受影響，自己形象亦受損。問到事件傳出後有否與陳豪聯絡，她說：「我唔會問呢啲！總之唔會回應唔係事實嘅事！」

負面報道當宣傳

對於被傳專認識富有人士，廖碧兒表示沒有看過報道，亦不會留意，強調識朋友只睇性格。至於有否與人同居，她說：「冇，我同我啲狗仔同居。」有指她曾為了接受其他人的追求，竟指陳豪是同性戀者，她 無正面回答，只說：「做呢行有時有啲唔好新聞，食得鹹魚抵得渴！（陳豪撇你？）我唔知佢有冇親口講過，我冇睇報道。」

問到是否認同陳豪是受害者，她說：「你哋寫啫！我都冇辦法。」此外，更有指她曾藉舊愛劉愷威過橋，撬了別人的男朋友，她再指不是事實的不回應，還說：「我知咩人講出嚟。佢點對人，啲嘢一定番轉頭，呢個世界係圓嘅！（你指有報應？）係！」問到會否檢討？她指目前有劇集出街，報道是宣傳一種。

另一邊廂，汪明荃被問到丈夫羅家英患上怪病，她說：「我哋一早講咗有呢個病，仲要依家拎番出嚟講。家英哥點會退休，佢好好動o架！」